Goa Corona Updates Dainik Gomantak
गोवा

Goa Corona Update: भय इथले संपत नाही!

कोरोनाची तिसरी लाट ओसरली; पण चौथ्या लाटेचे संकेत

दैनिक गोमन्तक

अनिल पाटील

 पणजी:  राज्यातील ओमिक्रॉन या कोरोना व्हेरियंटची तिसरी लाट आता संपल्यात जमा असली तरी  जूनच्या दरम्यान डेल्टा मायक्रॉन या नव्या व्हेरियंटची चौथी लाट  येण्याची शक्यता आहे. सध्या युरोप, आफ्रिका आणि चीनमध्ये या चौथ्या लाटेच्या कोरोना बाधितांचे प्रमाण वाढत असून याचा संसर्ग आणि संक्रमणाचा वेग जास्त आहे. मात्र मृत्यूचे प्रमाण अत्यल्प आहे, असे मत वैद्यकीय तज्ज्ञ व्यक्त करत आहेत. तसा इशाराही केंद्र सरकारच्या आरोग्य विभागाने दिला आहे.

राज्यात गेला आठवडाभर नवे बाधित सापडत असले तरी  11 मार्चपासून मृत्यूचे प्रमाण शून्य झाले आहे. शिवाय उपचारासाठी रुग्णालयात कोणीही भरती झालेले नाही. यावरून तिसऱ्या लाटेचा प्रादुर्भाव संपल्यात जमा आहे. मात्र, चौथ्या लाटेची भीती कायम आहे; कारण जगभरातल्या अनेक खंडांमध्ये याचा संसर्ग वाढत आहे.

तिसऱ्या लाटेची सुरुवात डिसेंबरच्या शेवटी झाली. शेवटच्या आठवड्यामध्ये ओमायक्रॉन व्हेरियंटचे रुग्ण सापडू लागले. 12 ते 23 जानेवारीदरम्यान तिसऱ्या लाटेने अत्युच्च टोक गाठले. 19 जानेवारीला 10,153 संशयित रुग्णांच्या चाचण्या केला असता सर्वाधिक 3,936 नवे रुग्ण सापडले. 18 जानेवारीला 5,508 संशयितांच्या चाचण्या केल्या असता 2,523 म्हणजे 45.79 टक्के रुग्ण सापडले. 16 जानेवारीला हा रेट 45.85 इतका होता. तिसऱ्या लाटेतील त्या दिवसाचा पॉझिटिव्हिटी रेट सर्वाधिक होता. 28 जानेवारीला सर्वाधिक 20 रुग्णांचे मृत्यू झाले, तर 25 जानेवारीला सर्वाधिक 108 जणांना रुग्णालयात भरती करण्यात आले. 22 ते 30 जानेवारीदरम्यान विविध रुग्णालयांमध्ये रुग्ण भरती होण्याचे प्रमाण सर्वाधिक होते.

केंद्र सरकारकडून सूचना

कोरोना संसर्ग रोखण्यासाठी हवे पंचसूत्रीचे पालन सर्वच राज्यांनी जिनोम सिक्वेन्सिंगवरही भर द्यावा नव्याने तयार होणाऱ्या ‘क्लस्टर’वर लक्ष ठेवावे ‘आयसीएमआर’च्या नियमांप्रमाणे चाचण्या हव्या पात्र नागरिकांचे तातडीने लसीकरण करण्यात यावे कोरोनाबाबत लोकांमध्ये जनजागृती करण्यात यावी

देशात नवा व्हेरियंट किंवा विषाणू म्युटेशन झाले तर कोरोनाची चौथी लाट येण्याची शक्यता आहे. मात्र, कोरोना प्रतिबंधक लस दिली असल्याने नव्या व्हेरियंटचा त्रास होणार नाही.

- डॉ. शेखर साळकर

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

कुलगाममधील CRPF पथकावर हल्ला करणाऱ्या दहशतवाद्यांचा खात्मा; लष्कर-ए-तैयबाचा कमांडर लतीफ भटसह दोन दहशतवादी चकमकीत ढेर

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

SCROLL FOR NEXT