Blood Donation Camp :

मोरजी, कोरगाव येथील श्री कमलेश्वर शिक्षण प्रसारक संस्था संचलित श्री कमलेश्वर उच्च माध्यमिक विद्यालयात डॉ. बाबासाहेब आंबेडकर जयंतीचे औचित्य साधून गोमेकॉच्या रक्तपेढीच्या सहकार्याने आयोजित रक्तदान शिबिराला उत्स्फूर्त प्रतिसाद लाभला. ३५ पेक्षा जास्त दात्यांनी रक्तदान केले.

उद्‍घाटन सोहळ्याला माजी विद्यार्थी संघटनेचे अध्यक्ष डॉ. सीताराम कोरगावकर, गोमेकॉचे डॉ. संजय कोरगावकर, डॉ. मुग्धा सनील, संस्थेचे चेअरमन परशुराम गावडे, सचिव नीलकंठ थळी, सह खजिनदार चंद्रकांत शेट्ये, प्राचार्य जुही थळी, मुख्याध्यापक भालचंद्र हिरोजी,

पालक शिक्षक संघांचे अध्यक्ष सुनील शेट्ये, संयोजक समीर मांद्रेकर, नेहाल कशाळकर आदी उपस्थित होते. मान्यवरांच्या हस्ते दीप प्रज्वलन करून व डॉ. आंबेडकर यांच्या प्रतिमेला पुष्पहार अर्पण करून उद्‍घाटन करण्यात आले. चेअरमन परशुराम गावडे, नीलकंठ थळी, जुही थळी, चंद्रकांत शेट्ये यांच्या हस्ते मान्यवरांना मानचिन्ह प्रदान करण्यात आली. सूत्रसंचालन विठोबा बगळी यांनी केले.

शिबिर यशस्वी करण्यासाठी प्राचार्य जुही थाळी, संयोजक समीर मंद्रेकर, नेहाल कशाळकर, विठोबा बगळी, प्रशांत रसाई कर, भारती कांबळे, दीपश्री सोपटे, सलुजा पेडणेकर, अंकुश बुगडे, दत्तात्रय गावस, गोपाळ शेट्ये,

अशोक परब, प्रशांत गावडे, अर्जुन गावडे, प्रवीण शेट्ये, तुलसीदास कांबळी, विवेक शिरोडकर, राजेश गावडे आदींनी परिश्रम घेतले. तसेच गोमेकॉचे डॉ. संजय कोरगावकर, डॉ. मुग्धा सानिम, तुषार देसाई, मेडिनी नाईक, हरीश आमोणकर, दशरथ गांवकर, लक्ष्मीकांत यांचे विशेष साहाय्य लाभले.