Cooking Competition : वास्को, मुरगाव ज्येष्ठ नाट्य साहित्यिक कलाकार संघटनेतर्फे १२ व्या वर्धापनदिनानिमित्त आयोजित पाककला स्पर्धेत अनुजा अशोक मांद्रेकर यांनी प्रथम क्रमांकाचे बक्षीस पटकावले.

मुरगाव पालिका इमारतीतील सभागृहात आयोजित स्पर्धेतील दुसरे बक्षीस काव्या अनुप मणेरकर तर तिसरे बक्षीस सुनंदा उदय गाड यांना प्राप्त झाले.

स्पर्धेची उत्तेजनार्थ बक्षिसे अनिता अशोक बिचोलकर, स्वेता प्रवीण देसाई व प्रियांशा प्रवीण कोळमकर यांना देण्यात आली. स्पर्धेचे परीक्षण उर्मिला साळगांवकर व विशाखा नाईक यांनी केले.

बक्षीस वितरण समारंभाला प्रमुख पाहुण्या म्हणून नगरसेविका श्रद्धा आमोणकर उपस्थित होत्या. त्यांच्या हस्ते विजेत्या स्पर्धकांना बक्षिसे देण्यात आली. यावेळी व्यासपीठावर संघटनेचे अध्यक्ष वामन चोडणकर, सचिव प्रभाकर मुळीक, संतोष शेट्ये, अरूण तारी व इतर सदस्य उपस्थित होते.