Poonam Pandey Controversy: सर्व्हायकल कॅन्सरविषयी स्वतःचा मृत्यू झाल्याची पोस्ट सोशल मीडियावर व्‍हायरल केल्‍यामुळे आणि नंतर त्‍या गोष्‍टीचा इन्‍कार केल्‍याने सध्‍या चर्चेत आलेली वादग्रस्त मॉडेल पूनम पांडे हिने चापोली धरण परिसरात 2020 साली अश्लील व्हिडीओ शूट केला होता.

काणकोण प्रथमवर्ग न्यायालयाने दोन-तीनदा नोटीस पाठवून तिला आणि तिच्या पतीला सुनावणीस हजर राहण्यास बजावले होते. मात्र, दोघे एकदाही सुनावणीस आले नाहीत. त्यामुळे 28 फेब्रुवारी रोजी न्यायालयात उपस्थित राहण्याचा समन्स त्या दोघांना बजावला आहे. मात्र, त्यांनी दखल घेतली नाही. त्यामुळे त्यांना 28 फेब्रुवारी रोजी हजर राहण्याचा आदेश दिला आहे.

अश्लील व्हिडीओ प्रकरणी अभिनेत्री पूनम पांडेला अटक

अभिनेत्री पूनम पांडेच्या अडचणींमध्ये वाढ झाली होती. आपल्या अत्यंत हॉट आणि बोल्ड व्हिडीओंसाठी ओळखल्या जाणाऱ्या पूनम पांडे विरोधात गोव्यामध्ये अश्लील व्हिडीओ शूट करण्याचा आरोप करण्यात आला होता. या प्रकरणी गोवा पोलिसांनी तिला ताब्यात घेत तिची चौकशी केली होती.

गोवा फॉरवर्ड पक्षाच्या महिला विंगने पूनम पांडे विरोधात एफआयआर दाखल केली होती. यात तिच्यावर गोव्याच्या  चपोली डॅमवर अश्लील व्हिडीओ शूट केल्याचा आरोप करण्यात आला होता. याप्रकरणी चौकशीसाठी गोवा पोलिसांनी तिला ताब्यात घेतले होते. गोव्याच्या पोलीस अधीक्षकांनी सांगितले की, चौकशीनंतर तिला कदाचित सार्वजनिक स्थानी अश्लील हरकती केल्याप्रकरणी अटक करण्यात येऊ शकते.