पणजी: भीमा कोरेगाव प्रकरणात (Elgar Parishad Case) तुरुंगात असलेले आदिवासी कार्यकर्ते फादर स्टॅन स्वामी (Stan Swamy) यांचे मुंबई उच्च न्यायालयात जामीन सुनावणीपूर्वी काल सोमवारी निधन झाले. वैद्यकीय कारणास्तव जामीन मिळावा यासाठी 84वर्षीय स्टॅन स्वामी यांनी मुंबई उच्च न्यायालयात धाव घेतली होती. मानवाधिकारचे कार्यकर्ते स्वामी यांची हत्या झाल्याचे आरोप करण्यात येत आहे. (Congress claims death of Fr Swamy as custodial killing to protest in Goa)

सध्या गोव्यातही (Goa) कॉग्रेस पक्षनेते आंदोलन करत आहे. स्टॅन स्वामींच्या हत्येचा निषेध करण्यासाठी विरोधी पक्षनेते पणजीतील आझाद मैदानावर जमले आहे. या आंदोलनामध्ये विरोधी पक्षनेते दिगंबर कामत, गिरीश चोडणकर, आमदार अ‍ॅलेक्स रेजिनाल्ड, माजी मंत्री अलेक्स सिकिरा सहभागी आहेत.

एल्गार परिषद प्रकरणातील आरोपी स्टॅन स्वामी यांचा काल सोमवारी मृत्यू झाला. ते 84 वर्षाचे होते. स्वामी अनेक आजारांनी ग्रस्त होते. गेल्या वर्षी त्याना कोविडची लागण झाली होती. मुंबई उच्च न्यायालयात झालेल्या सुनावणीदरम्यान त्यांच्या वकिलांनी ही माहिती दिली. काल स्टेन यांच्या जामीन अर्जावरील सुनावणी हायकोर्टात सुरू होती. उच्च न्यायालयात झालेल्या सुनावणी दरम्यान डॉ. डिसोझा यांनी त्याच्या निधनाची माहिती दिली.