मडगाव: सरकार स्थापन करण्यासाठी कुठल्याही पक्षाला तृणमूल - मगोची गरज हवी असल्यास त्यांनी आमच्या लोकोपयोगी तीन योजना अंमलात आणणे ही पूर्वअट असेल असे गोवा तृणमूलचे उपाध्यक्ष राजेंद्र काकोडकर यांनी म्हटले आहे.

राज्यात सत्ता स्थापन करताना काही पक्ष जनतेला विसरतात; मात्र तृणमूल-मगो युती हे पुढे चालू देणार नाही. आमचा पाठिंबा हवा असल्यास आमच्या लोकोपयोगी योजना त्यांना पुढे न्याव्या लागतील, असे ते म्हणाले.

निवडणुकीपूर्वी टीएमसी, मगोप युतीने विविध योेजना जाहीर केल्या होत्या. त्या योजना जनहिताच्या असून लोकांनी त्यांना उत्स्फूर्त प्रतिसाद दिला आहे. गृहलक्ष्मी योजनेखाली गोव्यातील प्रत्येक महिलेला दरवर्षी 60 हजारांची मदत, युवासाठी क्रेडिट कार्ड खाली 20 लाखांपर्यंत कर्ज आणि 1974 पूर्वीचे जे गोव्यात बेघर आहेत. त्या,ना स्वतःचे घर या योजना अमलात आणणे ही आमच्या पाठिंब्यासाठी पूर्वअट असेल असे ते म्हणाले.