Colvale Jail: सतत वादाच्या भोवऱ्यात असलेले कोलवाळ कारागृह पुन्हा एकदा चर्चेत आले आहे. कारागृहातील एका कैद्याने तुरुंगातून पळून जाण्याचा प्रयत्न केल्याने परिसरात एकच खळबळ माजली आहे. प्रदीप खाल्को असे कैद्याचे नाव असून त्याच्याविरोधात म्हापसा पोलीस स्थानकात गुन्हा नोंद झाल्याची माहिती SDPO जिवबा दळवी यांनी दिली आहे.

माहितीनुसार...

जिवबा दळवी यांनी दिलेल्या माहितीनुसार, सदर घटना काल 3:10 वाजता घडली. प्रदीपला नवीन प्रवेश ब्लॉकमध्ये ठेवले होते. दरम्यान ताजी खाण्यासाठी कैद्यांना थोडावेळ बाहेर काढले जाते.

प्रदीप खाल्को हा आरोपी ट्रायल अंतर्गत आहे. याने या संधीचा फायदा घेत नवीन प्रवेश ब्लॉकच्या आतील कंपाऊंड भिंतीवर चढून पळून जाण्याचा प्रयत्न केला. यासाठी त्याने तळमजल्यावरील छताचा आणि गेटचा आधार घेतला होता.

मात्र त्याचा हा प्रयत्न फसला आणि त्याला ताबडतोब पकडण्यात आले. दरम्यान तुरुंगाचे नियम मोडल्याप्रकरणी आणि पळून जाण्याचा प्रयत्न केल्याप्रकरणी त्याच्यावर गुन्हा दाखल करण्यात आला आहे.