कोलवा येथील वेश्याव्यवसाय प्रकरणात दोषी ठरलेला विजय सिंग याला दक्षिण गोवा अतिरिक्त सत्र न्यायालयाने आज शुक्रवारी तीन वर्षांची सक्त मजुरीची शिक्षा ठोठावली. त्या शिवाय त्याला दहा हजारांचा दंडही सुनावला आहे. तो न भरल्यास आरोपीला तीन महिन्यांची अतिरिक्त साधी कैदेची शिक्षा भोगावी लागणार आहे.
दक्षिण गोव्याच्या अतिरिक्त सत्र न्यायाधीश पूजा कवळेकर यांच्या न्यायालयाने संशयिताला दोषी ठरविले . कोलवा पोलिसांनी संशयिताला वेश्याव्यवसाय प्रकरणात अटक केली होती.
या प्रकरणाची माहिती अशी की कोलवा वाहन पार्किंगच्या जागी किनाऱ्या जवळ कोलवा पोलिसांनी टाकलेल्या धाडी वेळी हा वेश्याव्यवसायाचा प्रकार उघड‌कीस आला होता.
यावेळी पोलिसांनी एक खोटे गिन्हाईक पाठवून आरोपी विजय सिंग याला वेश्याव्यवसायासाठी दोन मुलींना पुरविण्यासाठी आणले असता त्याला रंगेहात पकडले होते.
या प्रकरणात सरकारी वकील उत्कर्ष आवडे यांनी एकूण ९ साक्षिदारांची साथ सादर करून संशयिताचा गुन्हा सिद्ध केला. या साक्षीत पिडीत युवतीच्याही साक्षिचा समावेश होता.
त्याचप्रमाणे बायलांचो एकवट या बिगर सरकारी संघटनेच्या सदस्या डॉरीटी रॉड्रिगिज, दक्षिण गोव्याचे तत्कालिन उपजिल्हाधिकारी विशाल कुंडईकर यांचीही साक्ष पेश करण्यात आली होती.
या गुन्हयाचा तपास कोलवा पोलिस स्थानकाचे तत्कालिन पोलिस निरिक्षक नेक्सन कुलासो यांनी केला होता. सरकारी अभियोक्ता उत्कर्ष आवडे यांनी पक्षा तर्फे खटला लडविला.
दरम्यान या संशयिताला अटक करून त्याला शिक्षा होईपर्यंत या प्रकरणी पाठपुरावा केल्याने बायलांचो एकवोटच्या अध्यक्ष आवदा विएगस यांनी कोलवाचे तत्कालीन निरीक्षक मेल्सन कुलासो यांचे अभिनंदन केले असून हल्लीच्या काळात अशा प्रकरणात झालेली ही तिसरी शिक्षा असल्याचे त्यानी म्हटले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.