Sanqulim Murder Case Update

साखळी : विठल्लापूर साखळी येथे 11 वर्षीय अल्पवयीन मुलाचा रविवारी पहाटे खून करण्यात आला होता. समीर अली असे या मयताचे नाव असून डिचोली पोलिसांकडून त्वरित घटनेचा तपास सुरु झाला. प्राथमिक चौकशीतून पोलिसांना चंदू पाटील या आरोपीबद्दल माहिती मिळाली आणि कल्याण रेल्वे स्थानकावर पोहोचताच अवघ्या 6 तासांत पोलिसांनी त्याला अटक केली होती.

या प्रकरणातील आणखीन एक पान आता उघड झाले असून विठ्ठलापूर साखळी येथे समीर अली या मुलाच्या खुनप्रकरणात चंदू पाटीलला मदत केलेल्या भीम लालमण (मू. उत्तर प्रदेश) याला देखील डिचोली पोलिसांकडून अटक करण्यात आली आहे.

प्रमुख संशयित चंदू याने माहिती उघड केल्यानंतर पोलिसांनी भीम या कामगाराला अटक केली आणि मिळालेल्या माहितीनुसार भीम लालमण सुद्धा चंदू सोबत डेअरीमध्ये काम करत होता.

अल्पवयीन मुलाची हत्त्या का?

मयत समीरचा सख्खा भाऊ डेअरीमध्ये काम करत होता, मात्र त्याने नोकरी सोडल्याने त्याच्या जागी चंदूची नेमणूक करण्यात आली होती. चंदूची अरेरावी डेअरी मालकाला सहन न झाल्याने त्याने समीरच्या भावाला पुन्हा कामावर येण्याची विनंती केली आणि यावेळी समीर देखील भावासोबत आला होता. चंदूने कामावरून काढण्याच्या संतापामुळे समीरची हत्या केली.