मुख्यमंत्री प्रमोद सावंत (CM Pramod Sawant) यांनी काल चतुर्थीच्या पाचव्या दिवशी मुरगावचे आमदार तथा गोवा कांग्रेस उपाध्यक्ष संकल्प आमोणकर (MLA Sankalp Amonkar) यांच्या आमोणा येथे मुळ निवासस्थानी भेट देऊन श्रींचे दर्शन घेतले. तसेच आमोणकर कुटुंबियांसमवेत फोटो सेशन केले. यावेळी संकल्प आमोणकर यांचे वडील माजी मगो नेता पद्मनाभ आमोणकर मुरगाव प्रभाग 08 च्या नगरसेविका श्रद्धा आमोणकर तसेच आमोणकर कुटुंबियांनी मुख्यमंत्री प्रमोद सावंत यांचे जंगी स्वागत केले.

मुख्यमंत्री प्रमोद आणि आमोणकर कुटुंबिय यांच्यात यावेळी गप्पा रंगल्या होत्या.

मुख्यमंत्री प्रमोद सावंत यांनी यावेळी आमोणकर कुटुंबियांसमवेत फोटो सेशन देखील केले. यावेळी सर्व आमोणकर कुटुंबीय एकत्र आले होते. सर्वांच्या चेहऱ्यावर आनंद दिसत होता.

मुख्यमंत्री गोव्यातील प्रमुख नेत्यांच्या घरी बप्पाचे दर्शन घेण्यासाठी भेटी देत होते. सावंत यांनी आमोणकर यांच्या घरी पाचव्या दिवशी भेट देऊन आमोणकर कुटुंबियांना चतुर्थीच्या शुभेच्छा दिल्या.