CM Pramod Sawant: गोव्याच्या किनारी भागात दातांवर उपचार करणारे काही बोगस डॉक्टर कार्यरत आहेत. त्यांच्यावर कारवाईसाठी तक्रार गरजेची आहे. तक्रारींसाठी पुढाकार घ्या, कारवाई केली जाईल, असे आवाहन मुख्यमंत्री डॉ. प्रमोद सावंत यांनी केले.

ते म्हणाले की, किनारी भागात असे बोगस डॉक्टर कार्यरत असल्याचे कळते. असोसिएशनने तक्रारीसाठी पुढाकार घ्यावा. तक्रार दाखल केली पाहिजे. तक्रार असेल तर सरकारला कार्यवाही करता येते. हे सर्व बोगस डॉक्टर परप्रांतीय आहेत.

परदेशी पर्यटकांची मोठी लुबाडणूक या बोगस डॉक्टरांकडून होत असल्याचा आरोप मुख्यमंत्र्यांनी केला. त्यांच्यावर कडक कारवाई गजरेची आहे. तथापि, त्यासाठी तक्रारींसाठी लोकांनी, असोसिएशनने पुढाकार घेतला पाहिजे, असे ते म्हणाले.

दरम्यान, किनारी भागात अनेक बोगस डॉक्टरांनी आपले बस्तान मांडल्याचे कळते. बिनदिक्कत या बोगस डॉक्टरांची दुकानदारी सुरू असल्याचे कळते. त्यातून सर्वसामान्यांची लूट केली जात आहे.