Goa News :

गुळेली, जंगल व जंगलांतील प्राण्यांचे रक्षण करण्याची जबाबदारी ही प्रत्येक नागरिकाची आहे. जंगल व प्राणी जिवंत राहिले तरच मनुष्य जिवंत राहणार आहे, असे वनरक्षक रामदास केवणकर म्हणाले.

बोंडला अभयारण्यातर्फे जागतिक वन दिवस कणकिरे सरकारी प्राथमिक विद्यालयात साजरा करण्यात आला.

यावेळी व्यासपीठावर बोंडला अभयारण्याचे वन रक्षक रामदास केवणकर, तृप्ती माटणेकर, शिक्षिका नूतन गावस, शाळा व्यवस्थापन समिती अध्यक्ष सुफला गावडे, सदस्य मनोहर गावडे आदी उपस्थित होते.

शिक्षिका नूतन गावस यांनी हा कार्यक्रम आपल्या विद्यालयात आयोजित केल्याबद्दल बोंडला अभयारण्याचे आभार मानले. यावेळी विद्यार्थिनी तृप्ती गावडेने झाडांचे महत्त्व सांगणारे भाषण केले. यावेळी विद्यार्थी व पालकांची उपस्थिती होती.