Churchill Alemao Resignation: बाणावलीचे माजी आमदार चर्चिल आलेमाव यांच्याबाबतीत सर्वात मोठी राजकीय बातमी समोर आली आहे. माहितीनुसार आलेमाव यांनी तृणमूल कॉंग्रेला राजीनामा देत पक्षातून एक्झिट घेतली आहे.

चर्चिल आलेमाव यानंतर कोणत्या पक्षात जाणार, याबाबत राजकीय वर्तुळात तर्क-वितर्क सुरू आहेत. मात्र, अद्याप आपण भविष्यातील राजकीय योजना ठरवल्या नसल्याचे त्यांनी सांगितले.

सूत्रांनी दिलेल्या माहितीनुसार, ते NCPमध्ये प्रवेश करणार असे बोलले जात आहे. याबाबत त्यांची प्रफुल्ल पटेल यांच्याशी चर्चा सुरू असल्याचेही सांगण्यात येत आहे.

तृणमूल काँग्रेससोबत जाणं ही मोठी चूक : चर्चिल आलेमाव

गोवा विधानसभा निवडणुकीत दारुण पराभवानंतर चर्चिल आलेमाव यांनी आपली नाराजी व्यक्त केली होती. TMCमध्ये जाणे ही आपली मोठी चूक होती, असे मत त्यांनी त्यावेळी व्यक्त केले होते. तृणमूलही आपल्या पराभवास जबाबदार आहे, मात्र त्यावर बोलायचे नाही, अशा शब्दात चर्चिल आलेमाव यांनी आपली खदखद व्यक्त केली होती.