Chorla Ghat Traffic: चोर्ला घाटात आज (गुरुवारी) संध्याकाळी रस्त्याच्या मधोमध काँक्रिट वाहतूक करणार ट्रक बंद पडल्याने दोन्ही बाजूनी वाहनाच्या लांबच्या लांब रांगा लागल्या. जवळ पास दोन्ही बाजूला 200 च्या वर गाड्यांच्या रांगा लागल्या होत्या.

कणकुंबी जवळ डेल्टा हॉटेलच्या बाजूला ट्रक बंद पडला होता. यामुळे घाटात तब्बल चार तास वाहतूक खोळंबली होती.

गोव्यावरून बेळगावला जाण्यासाठी चोर्ला घाट या मार्गावरुन जाण्यासाठी मोठ्या प्रमाणात नागरिक हाच रस्ता पत्करतात. कर्नाटक हदितला रस्ता पुर्ण पणे खराब झालेला आहे. रस्त्यावर मोठमोठे खड्डे पडलेले असताना सुद्धा नागरिक याच रस्ताचा अवलंब करतात.

अशावेळी हा रस्ता नको रे बाबा असे उद्गार लोकांच्या मुखातून बाहेर पडले. यात परत माघारी फिरावे म्हंटले तर एकेरी रस्ता. " ना घर का ना घाट का " अशी परिस्थिती लोकांची झाली होती. नंतर उशीरा रस्ता वाहतुकीसाठी सुरळीत करण्यात आला.