पणजी: चिंबल पठारावरील प्रस्तावित युनिटी मॉलची प्रक्रिया रद्द झाल्यानंतरही जागेवरील खोदकाम, अवजड यंत्रसामग्री व इतर साहित्य कायम असल्याने नैसर्गिक पाणलोट क्षेत्राला व्यत्यय येत असल्याची चिंता ग्रामस्थांनी व्यक्त केली. गोवा पंचायत राज कायदा, १९९४ मधील कलम ८२ अंतर्गत बजावलेल्या नोटिशीनंतर चिंबल ग्रामपंचायतीने सर्व्हे क्र. ४०/१ मधील जागेची पाहणी केली.
या पाहणीवेळी पंचायत प्रतिनिधी, गोवा पर्यटन विकास महामंडळाचे अधिकारी, जैवविविधता व्यवस्थापन समितीचे सदस्य, ग्राम विकास समितीचे प्रतिनिधी आणि मोठ्या संख्येने ग्रामस्थ उपस्थित होते.
पाहणीत बांधकामासाठी वापरण्यात येणारी अवजड यंत्रसामग्री जागेवरच असल्याचे आढळले. तसेच पाणलोट क्षेत्रातील पाण्याचा नैसर्गिक प्रवाह विस्कळीत झाला असून, सुमारे २.६ मीटर खोलीपर्यंत उत्खनन करण्यात आल्याचे दिसून आले.
पुढील कृतीसाठी लवकरच बैठक
ग्रामस्थांच्या म्हणण्यानुसार, गेल्या सहा महिन्यांपासून जागा मोठ्या प्रमाणावर खणलेल्या अवस्थेत असून ती पूर्ववत करण्यात आलेली नाही. पुढील कृती ठरविण्यास ग्रामस्थ लवकरच बैठक घेणार आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.