गोव्यात कालपासून विधानसभा पावसाळी अधिवेशनाला सुरुवात झाली आहे. विधानसभेत आमदार गोव्यातील अनेक महत्वाच्या विषयांवर भाष्य करत आहेत. विरोधी गटातले आमदार सरकारला कात्रीत पकडण्याचाही प्रयत्न करत आहेत. दरम्यान राज्याचे मुख्यमंत्री डॉ. प्रमोद सावंत सरकारने केलेल्या कामांचा लेखाजोखा सभागृहात मांडत आहेत.

यावेळी त्यांनी गोवा सरकारवर असलेल्या कर्जाचा आढावा सादर केला. राज्याचे आजपर्यंत सार्वजनिक कर्ज 23,270.55 कोटी रुपये आहे. राज्यावर असलेल्या कर्जाचे सखोल वर्गीकरण खालीलप्रमाणे :

बाजार कर्ज : रु. 17,514 कोटी

नॅशनल कोऑपरेटिव्ह REA डेव्हलपमेंट कॉर्पोरेशनकडून DENT RP मार्केट कर्ज : रु. 31 लाख

नाबार्ड : रु. 1038 कोटी NT BREA

पॉवर फायनान्स कॉर्पोरेशन लिमिटेड : रु. 30.42 कोटी

केंद्र सरकार एनएसएसएफ विशेष सिक्युरिटीज : रु. 1,721 कोटी

केंद्र सरकारकडून एन/अॅडव्हान्स : रु. 2,965N

दरम्यान, मुख्यमंत्री प्रमोद सावंत यांनी गोव्यातील विविध विकासकामे लवकरच पूर्ण करणार असल्याची घोषणा केली आहे. यात तुये येथील इस्पितळ येत्या 31 डिसेंबरपर्यंत पूर्ण केलं जाणार आहे, तर काणकोण रविंद्र भवन 31 मार्च 2023 च्या अगोदर पूर्ण करणार असल्याची हमी मुख्यमंत्री प्रमोद सावंत यांनी दिली आहे.