Chess Game : पणजी, गोव्याचा इंटरनॅशनल मास्टर (आयएम) बुद्धिबळपटू नीतिश बेलुरकर याने हैदराबाद येथे झालेल्‍या अखिल भारतीय रॅपिड बुद्धिबळ स्पर्धेत विजेतेपद पटकावले. नीतिशने स्पर्धेत आठ गुण नोंदविले.

स्पर्धेत नीतिशने आयएम कुशाग्र मोहन, आयएम ए. हरिकृष्ण, जे. रामकृष्ण, आयएम सम्मेद शेटे या खेळाडूंना हरविले. ग्रँडमास्टर कार्तिक व्यंकटरमण व आयएम व्हियानी डिकुन्हा यांना बरोबरीत रोखले.

या स्पर्धेतील चमकदार कामगिरीमुळे नीतिशला ३०.४ रेटिंग गुणांची कमाई करता आली. व्हियानी डिकुन्हास उपविजेतेपद, ए. हरिकृष्णला तिसरा क्रमांक मिळाला.

हैदराबादमधील या स्पर्धेत रॅपिडपूर्वी झालेल्या ब्लिट्झ प्रकारातील स्पर्धेत नीतिशने आठ गुणांसह तिसरा क्रमांक

मिळविला होता. तो कुजिरा येथील एस. एस. धेंपो महाविद्यालयात शिकतो.