मडगाव: दुचाकीवर असलेल्या दोन युवतींना खाली पाडून त्यांना जखमी करण्याच्या दोन घटना घडल्या आहेत. संशयित आरोपी माथेफिरूचा या प्रकरणात चोरीचा हेतू की विनयभंगाचा हेतू होता हे स्पष्ट झालेले नाही. मात्र त्याचा बंदोबस्त करण्याची मागणी होत आहे.
प्राप्त माहितीनुसार, दोन दिवसांपूर्वी दोन महिला एका दुचाकीवरून चांदर मैदानाकडे जात होत्या. वाटेत रस्त्यावर अंधार असल्याचा फायदा घेत दुचाकीवरून डोक्यावर हेल्मेट घालून आलेल्या एकाने या दोन महिलांच्या अंगावरील कपडे ओढले. त्यामुळे त्यांचा तोल गेला आणि या दोन्ही महिला दुचाकीवरून पडता पडता बचावल्या.
त्यानंतर अवघ्या सुमारे १५ मिनिटांनी अशाच प्रकारची दुसरी घटना घडली. याच रस्त्यावरून आणखी एक दुचाकी येत होती आणि त्या दुचाकीवरही दोन युवती होत्या. त्याच अंधाराच्या जागी वरील संशयित आरोपीने या दुचाकीवर असलेल्या युवतीच्या कपड्यांना हात घालून त्यांनाही खेचले. परिणामी त्या दोन्ही युवती रस्त्यावर पडून जखमी झाल्या.
दरम्यान, या परिसरात पोलिसांनी गस्त वाढवून अशा घटना पुन्हा होऊ नयेत याची काळजी घ्यावी. तसेच संशयित आरोपीला शोधण्यासाठी मायणा-कुडतरी पोलिसांनी सीसीटीव्ही फुटेजची तपासणी करावी, अशी मागणी स्थानिकांनी केली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.