Goa Crime News : नागवा-हडफडे पंचायत क्षेत्रातील एका क्लबचे मालक आणि एकाविरुध्द बलात्काराची तक्रार हणजूण पोलिसांत दाखल करण्यात आली आहे. दरम्यान दोन्ही संशयित सध्या फरार असून पोलिस त्यांचा शोध घेत आहेत. या क्लबशी संबंधित तेथील कर्मचारी महिलेकडून ही तक्रार दाखल करण्यात आली आहे.

संशयितांवर महिलेवर लैंगिक अत्याचार करुन धमकी दिल्याच्या आरोपाखाली तक्रार दाखल करण्यात आली आहे.

पोलिसांनी दिलेल्या माहितीनुसार, 33 वर्षीय तक्रारदार महिला पूर्वी सदर क्लबमध्ये कामाला होती. हल्लीच तिने नोकरी सोडली होती. 7 रोजी बुधवारी तक्रारदार महिला रस्त्यावरून जाताना संशयितांच्या निदर्शनास आली. संशयितांनी तिचा पाठलाग केला व तिच्यावर बळजबरी केली. याबाबत कुणाकडे वाच्यता केल्यास जीवे मारण्याची धमकी दिली.

33 वर्षीय महिलेवर लैंगिक अत्याचार करुन तिला जीवे मारण्याची धमकी दिल्याच्या आरोपाखाली हणजूण पोलिसांनी क्लबचे मालक व अन्य एकाविरुध्द गुन्हा दाखल केला आहे. दोघेही संशयित सध्या फरार असून हणजूण पोलिस त्यांचा शोध घेत आहेत.