म्हापसा: गोवा पर्यटन खात्याने म्हापसा पालिका मंडळाच्या सहकार्याने म्हापसा शहरात कार्निव्‍हल महोत्‍सवानिमित्त मंगळवार 1 मार्च रोजी चित्ररथ मिरवणूक आयोजित केली आहे. दुपारी 4 वाजता जुन्या आझिलो इस्पितळाजवळ या मिरवणुकीचा प्रारंभ उत्तर गोव्याचे (Goa) माजी पोलिस अधीक्षक फिंटन डिसोझा यांच्या हस्ते होईल.

ही मिरवणूक नेहमीच्या मार्गावरून मार्गक्रमण करणार आहे. या चार दिवसीय उत्सवातील कार्यक्रम शनिवार दि. 26 फेब्रुवारी ते 1 मार्यपर्यंत दररोज सायंकाळी 6 वाजता होतील. उत्सवातील अन्य सर्व कार्यक्रम श्री बोडगेश्वर मंदिर परिसरात नेहमीच्या ठिकाणी होतील. म्हापसा कार्निव्‍हल उत्सव (Carnival Festival) समितीच्या अध्यक्षपदी मुख्याधिकारी सीताराम सावळ तर सचिवपदी सुब्राय कोनेकर यांची निवड झाली आहे.

26 रोजी डिजे म्युझिक : राहुल, वेशभूषा स्पर्धा, बॅण्ड स्टील, सालसा लॅटिन डान्स ट्रूप. दि. 27 रोजी डिजे म्युझिक : सेलवीन फर्नांडिस, बँड द इंपेरीअल, लोकनृत्य तर 28 रोजी डिजे म्युझिक : राज, द वंडर ट्वॉयज्‌, बॉलिवूड डान्स ट्रप, बॅण्ड कॅसअनेस इत्यादी कार्यक्रम होतील. 1 मार्च रोजी चित्ररथ मिवरणूक झाल्यानंतर डिजे म्युझिक : अक्षय, उजो बॅण्ड, पारितोषिके जाहीर करणे, कॅन कॅन डान्स हे कार्यक्रम होणार आहेत.