Vagator Car Accident: उत्तर गोव्यातील वागातोर येथे बुधवारी एका कारचा अपघात झाला. एकूण चार वाहनांचा हा अपघात झाल्याची माहिती समोर येत आहे. ड्रायव्हरचे कारवरील नियंत्रण सुटून कार रस्त्यातच पलटी झाली. या अपघातात कुणीही जखमी झालेले नाही.

परंतु, कार पलटल्याने कारचे मोठे नुकसान झाले आहे. तसेच एकूण चारही वाहनांचे नुकसान झाले आहे. ऐन मुख्य रस्त्यात हा अपघात झाल्याने येथे ट्रॅफिक जॅम झाले होते.

बराच काळ ही ट्रॅफिक जॅमची स्थिती होती. दरम्यान, अपघाताची माहिती मिळताच पोलिसांनी तत्काळ घटनास्थळी धाव घेतली. पोलिसांनी अपघाताचा पंचनामा केला आहे. तसेच येथील वाहतूक सुरळीत केली.