काणकोण, पैंगीण पंचायत क्षेत्रात मागदाळ-गालजीबाग येथे एका जमीनमालकाने खाजन जमिनीत मातीचा भराव घालून नैसर्गिक पाण्याचा प्रवाह अडविल्याची गंभीर दखल काणकोणचे मामलेदार जितेंद्र बुगडे यांनी घेऊन हे काम बंद पाडले.
मामलेदार बुगडे यांनी तक्रारीनंतर प्रत्यक्ष कामाची पाहणी केली आणि बांधकाम साहित्य जप्त केले. हे बांधकाम करताना काही खारफुटी झाडांची कत्तल केल्याचे मामलेदारांना आढळून आले.
या बेकायदेशीर कामाचा अहवाल तयार करून तो वरिष्ठांना पाठविणार असल्याचे मामलेदार बुगडे यांनी सांगितले.
पैंगीणच्या तलाठ्यांनी यासंदर्भात काही दिवसांपूर्वी मला कळविले होते. त्यावेळी त्यांनी संबंधितांना हे बांधकाम बंद करण्याचा आदेश दिला होता.
तरीही त्याने ते बंद केले नाही. त्यामुळे प्रत्यक्ष पाहणी करून ते बेकायदा काम बंद पाडले. पुढील कारवाईसाठी वरिष्ठांना अहवाल पाठवणार असल्याचे बुगडे यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.