गुन्हे शाखेच्या पोलिसांनी बाणस्तारी बाजारात धडक कारवाई करताना, तरणाच्या पिशवीत गांजा हा अमली पदार्थ आढळून आला.
पोलिसांनी तिस्क- उसगाव फोंडा येथील तरुणाला अटक केली असून, त्याच्या ताब्यातून दोन लाख किंमतीचा 1.650 किलो गांजा जप्त केला आहे.
केशव उर्फ साईराज नागेश शेट वेरेकर (24, रा. तिस्क- उसगाव फोंडा) असे अटक करण्यात आलेल्या संशयित आरोपीचे नाव आहे.
पोलिसांनी दिलेल्या माहितीनुसार, गुन्हे शाखेच्या पोलिस निरीक्षक नितीन हर्ळणकर यांनी पथकाच्या मदतीने मंगळवारी (दि.३०) बाणस्तारी बाजारात धडक कारवाई केली. यात त्यांना केशव वेरेकर यांच्याकडे असलेल्या पॉलिथीनच्या पिशवीत दोन लाख किंमतीचा 1.650 किलो गांजा आढळून आला.
पोलिसांनी त्याच्या ताब्यातील अमली पदार्थ (गांजा) यासह त्याच्या जवळील स्मार्टफोन देखील जप्त करण्यात आला आहे.
याप्रकरणी केशव वेरेकर याच्याविरोधात एनडीपीएस कायद्यांतर्गत गुन्हा नोंद करण्यात आला आहे. पोलिस अधिक तपास करत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.