उत्तर गोव्यातील शिवोली येथे एका विहरीत गायीचे वासरु पडले. स्थानिक व म्हापसा अग्निशामक दलाच्या जवानांनी मोहीम राबवत वासराला बाहेर काढले. ही घटना सायंकाळी घडली.

अधिक माहिती अशी की, शिवोली येथील फर्नांडीस वाडो येथे एका विहीरीत गायीचे वासरु पडल्याचे सायंकाळी स्थानिक युवकाच्या निदर्शनास आले. या घटनेची माहिती युवकांनी म्हापसा अग्निशामक दलाला दिली.

अग्निशामक दलाच्या जवानांनी घटनास्थळी दाखल होत स्थानिक युवकांच्या मदतीने वासराला विहीरीच्या बाहेर काढण्यासाठी मोहीम राबली. दरम्यान जवानांना व स्थानिक युवकांना गायीच्या वासराला सुखरुप बाहेर काढण्यात यश आले.