गेल्या काही दिवसात नायजेरियन तरुणाला अमली पदार्थ तस्करी प्रकरणात कळंगुट पोलिसांनी पकडलं होतं. याला केवळ 10 दिवस होतात न होतात. तोच आज पुन्हा एकदा नायजेरियन नागरिकाला पोलीसांनी कोकेनसह पकडत कारवाई केली आहे.

(Calangute Police nabs Nigerian with drugs worth Rs 5 lakh)

मिळालेल्या माहितीनुसार फिलीप ओबी या नायजेरियन नागरिकाकडून 50 ग्राम कोकेन पकडलं आहे. ही कारवाई कळंगुट पोलिसांनी केली असून पकडलेल्या कोकेनची अंदाजे किंमत 5 लाख रुपये इतकी आहे. पोलिस निरीक्षक दत्तगुरु सावंत यांच्या मार्गदर्शनाखाली ही कारवाई करण्यात आली. मागील 10 दिवसांत ही दुसरी कारवाई असून पुन्हा एकदा अमली पदार्थ पुरवठ्याचा गंभीर प्रकार समोर आला आहे.

आणखी कीती दिवस फक्त मलमपट्टी होणार

कोकेनसारखे अमली पदार्थासह नायजेरियन नागरिकावरील कारवाई ही गोवा पोलीसांकरिता नवी नाही. गेल्या कित्येक दिवसांपासून अशा कारवाई होतात. याच्यावर काही दिवस गेले की अशा प्रकरणावरण काही स्पष्टीकरण कोणालाच मिळत नाही. यानंतर आणखी काही दिवसांनी आणखी अशाच प्रकारचे प्रकरण समोर येते, पुन्हा पोलीस कारावाई करतात. पुन्हा हे वातावरण शांत होते.

याला आता स्थानिक नागरिक वैतागले असून नागरिकांना यावर कायमचा उपाय हवा आहे. जो कधी होणार याचे उत्तर कोणाकडेच नाही. त्यामूळे आणखी कीती दिवस फक्त वरवरची मलमपट्टी होणार असा सवाल नागरिक विचारु लागले आहेत.