कळंगुट : उच्च न्यायालयाच्या आदेशानुसार रस्ता रुंदीकरणात अडथळा ठरणाऱ्या एकूण २२ दुकानांवर कळंगुट पंचायतीने कारवाई केली. यावेळी सरपंच जोसेफ सिक्वेरा, इतर पंच आणि सचिव अर्जुन वेळीप उपस्थित होते.
यावेळी मोठ्या संख्येने पोलिस फौजफाटा तैनात होता. गुरुवारी दिवसभर केलेल्या कारवाईत मुख्य रस्त्याच्या रुंदीकरणात अडथळा ठरणाऱ्या २२ दुकानांवर बुलडोझरच्या मदतीने कारवाई करण्यात आली.
पंचायत मंडळ गेले चार महिने कारवाई करणार, असे सांगत होते; परंतु आजच्या कारवाईची पुसटशीही कल्पना स्थानिक दुकानदारांना दिली नव्हती. त्यामुळे दुकानदारांचे लाखो रुपयांचे नुकसान झाल्याचा दावा दयानंद शिरोडकर यांनी केला.
ही कारवाई उच्च न्यायालयाच्या आदेशानुसार केली आहे. रस्ता रुंदीकरणात अडथळा ठरणाऱ्या दुकानदारांना रितसर नोटिसा पाठवून कारवाईची कल्पना देण्यात आली होती, असे पंचायत सचिव अर्जुन वेळीप यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.