बाणावली: गोव्यात एक ऑगस्टपासून पारंपरिक मासेमारीला सुरुवात झाली आहे. ६१ दिवसांच्या बंदी नंतर सुरु झालेल्या मासेमारीला सुरुवात झाल्याने मच्छीमार सुखावले आहेत. तसेच, रोज आता ताजे मासे खायला मिळणार त्यामुळे गोमंतकीय आनंदात आहेत. बाणावली समुद्रात मासेमारीसाठी गेलेल्या मच्छीमारांना सकाळी मासळीचा बंपर कॅच सापडला आहे.

बाणावली समुद्रात मासेमारीसाठी गेलेल्या मच्छीमारांना मोठ्या प्रमाणावर मासळी सापडली असून, त्यांनी या बंपर कॅचबाबत आनंद व्यक्त केला.

मासळीत मोठ्या प्रमाणावर बांगडे सापडल्याचे मच्छीमारांनी सांगितले. मासेमारी हंगाम सुरु झाल्यानंतर मिळालेल्या बंपर कॅचबाबत आनंद व्यक्त केला.

६१ दिवस गोव्यात मासेमारी बंद असल्यानंतर गोमंतकीयांना परराज्यातून मासे मार्केटमध्ये येत असतात. यामुळे चढ्या दराने मासे विकत घ्यावे लागतात. राज्यात मासेमारी सुरु झाल्यानंतर रोज तासे मासे मिळण्यासह त्यांची किंमत देखील कमी होत असते, त्यामुळे सध्या गोमंतकीयांमध्ये आनंदाचे वातावरण पाहायला मिळत आहे.