Goa News: पणजी पोलिस स्‍थानक हल्‍ला प्रकरणात महसूलमंत्री बाबूश मोन्‍सेरात आणि त्‍यांच्‍या पत्‍नी आमदार जेनिफर मोन्‍सेरात या दोघांनाही दक्षिण गोव्‍याचे खास न्‍यायाधीश इर्शाद आगा यांनी तात्‍पुरता दिलासा देताना बाबूशना तीन, तर जेनिफरना दोन महिने या प्रकरणाच्‍या सुनावणीस गैरहजर राहण्‍याची मुभा दिली आहे.

2008 साली झालेल्‍या या प्रकरणाची सुनावणी राजकारण्‍यांचे खटले हाताळणारे खास न्‍यायाधीश इर्शाद आगा यांच्‍या न्यायालयात सुरू असून या प्रकरणाच्‍या सुनावणीस आपल्‍याला कायमस्‍वरूपी गैरहजर राहण्‍याची परवानगी द्यावी, अशी मागणी मोन्‍सेरात दाम्‍पत्‍याने केली होती.

ही मागणी अंशत: मान्‍य करताना हा आदेश दिला. या प्रकरणाची पुढील सुनावणी आता २४ जानेवारी रोजी ठेवण्‍यात आली आहे. या प्रक़रणात बाबूश आणि जेनिफर यांच्‍या व्‍यतिरिक्‍त आणखी ३५ संशयितांवर सीबीआयने आरोपपत्र ठेवले आहे.