पणजी: सध्या देशात सगळीकडे जोरदार पावसाने हजेरी लावली आहे. या पावसाचा परिणाम काही प्रमाणात जलचर प्राण्यांवरही होतांना दिसतो आहे. कारण पुराचे पाणी गोव्यातील ग्रामीण भागात शिरल्याने नद्यातील मगरी आता लोकवस्तीत शिरायला लागल्याचे गोल्या काही दिवसात बघायला मिळाले. यामुळे ग्रामीण भागात भीतीचे वातावरण निर्माण झाले आहे.

अशातच गोवा (Goa) आणि मुंबईच्या (Mumbai) समुद्र किनाऱ्यांना ब्ल्यू बॅटल (Blue Battle) जेलीफीशचा (Fish) धोका असून नागरिकांनी दक्षता घेण्याचे आवाहन जीवरक्षक संस्थेने केले आहे. या माशांच्या काट्यांमुळे त्वचेला जळजळ होऊन त्वचारोग होण्चीया शक्यता असते. विशेषतः ब्‍ल्‍यू बॅटल जेलीफीश हिंदी महासागरात मोठ्या प्रमाणात आढळतात. (Blue Bottle fish is threat on shores of Goa)

दरम्यान गोव्यात (Goa) अधिकृतरित्या मासेमारी 1 आगस्ट पासून सुरू होणार असली तरी लहान पडाव घेऊन मासेमारी करणे सुरूच आहे. काल अशाच एका पडावात बंपर कोळंबी (Kolambi Fish) जाळ्यात पडली आहे. काल सायंकाळी हा पडाव किनाऱ्याला लागल्यावर लोकांनी तिथे गर्दी केली होती. बऱ्याच दिवसांनंतर मनासारकी मासळी जाळ्यात सापडल्याचा आनंद खुशी मच्छिमाराच्या चेहऱ्यावर दिसत होता.

मागच्या काही दिवस समुद्रात वादळी वारे असल्याने कुणी होड्या समुद्रात घातल्या नव्हत्या मात्र कालपासून समुद्र शांत झाल्याने आता होड्या पाण्यात उतरू लागल्या. सध्या गोव्यात यांत्रिकी होड्यांनी मासेमारी करण्यास बंदी असून 1 ऑगस्ट पासून ही बंदी उठणार आहे. मासेमारीवरील बंदी उठवण्यासाठी अजून दोन-चार दिवस बाकी असतानाच काल खारीवाडा मच्छीमारी मालकासाठी सुवर्ण दिवस ठरला आहे.