केपे : मोरपिर्ला-केपेतील (Cape) ग्रामीण भागात अजूनही बऱ्याच समस्या आहेत. त्या सोडवण्यासाठी आगामी निवडणुकीत एक चांगले सरकार आपण निवडून दिले पाहिजे, जे सर्वसामान्य लोकांसाठी काम करू शकते. ते फक्त काँग्रेस (Congress) सरकारच करू शकते, अशी ग्‍वाही काँग्रेसच्या राष्ट्रीय सचिव प्रियांका गांधी (priyanka gandhi) यांनी दिली.

भाजपाचे (BJP) सरकार हे सामान्य लोकांसाठी नाही, तर उद्योगपतींसाठी काम करीत असल्याची टीका प्रियांका गांधी यांनी केली. मोरपिर्ला गावाला प्रियांका गांधी भेट दिली. यावेळी त्‍या बोलत होत्‍या. यावेळी पी. चिदंबरम, काँग्रेसचे प्रभारी दिनेश गुंडू राव, विरोधी पक्षनेते दिगंबर कामत, प्रदेशाध्यक्ष गिरीश चोडणकर, केपे काँग्रेस पक्षाचे संभाव्य उमेदवार एल्टन डिकॉस्‍ता व मान्यवर उपस्थित होते.