भारतीय जनता पक्षाच्या वतीने आगामी लोकसभा निवडणुकीसाठी पहिली यादी प्रसिद्ध करण्यात आली आहे. भाजपच्या वतीने 16 राज्यातील 195 नावांची यादी जाहीर करण्यात आली.
यावेळी उत्तर गोव्यातून भाजपने विद्यमान खासदार श्रीपाद नाईक (MP Shripad Naik) यांच्या नावावर शिक्कामोर्तब केला आहे. दिल्लीत श्रीपाद नाईक यांच्या नावाची अधिकृत घोषणा करण्यात आली.
दिल्लीत सुरु असलेल्या पत्रकार परिषदेत भाजपच्या 195 जागांवरील उमेदवारांची नावे जाहीर करण्यात आली. यात 28 महिला, 47 युवा, 27 एसटी, 18 एससी आणि ओबीसीच्या 57 जागांचा समावेश आहे.
वाराणसीतून पंतप्रधान नरेंद्र मोदी लढणार निवडणूक लढवतील. पहिल्या 195 जणांच्या यादीत 34 केंद्रीय मंत्री आणि राज्य मंत्र्यांचा समावेश असून, यात लोकसभा अध्यक्ष ओमप्रकाश बिर्लां यांच्या नावाचा समावेश आहे.
सोपटे, मांद्रेकर, परुळेकर यांचा पत्ता कट
लोकसभेच्या दोन जागांसाठी मागील तीन ते चार दिवसांपासून दिल्लीत खलबंत सुरु होती. मुख्यमंत्री प्रमोद सावंत यांनी एक दिवसांपूर्वी पहिल्या यादीत केवळ उत्तर गोवा जागेच्या उमेदवारीची घोषणा केली जाणार असल्याचे स्पष्ट केले.
यानंतर विद्यामान खासदार श्रीपाद नाईक यांची उमेदवारी जवळपास निश्चित मानली जात होती पण, दयानंद सोपटे, दयानंद मांद्रेकर आणि दिलीप परुळेकर यांची नावे देखील चर्चेत होती. पण, दिल्लीत झालेल्या आजच्या पत्रकार परिषदेत श्रीपाद नाईक यांच्या नावावर शिक्कामोर्तब झाला आहे. यामुळे सोपटे, मांद्रेकर आणि परुळेकर यांचा पत्ता कट झाला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.