डिचोली: डिचोली शहराला टेकून असलेल्या लाखेरे परिसरात पुन्हा एकदा गव्यांचा संचार वाढला असून या गव्यांनी परिसरातील बागायतींमध्ये उच्छाद मांडला आहे. दरम्यान, आज सायंकाळी आनंद नार्वेकर यांच्या घराजवळ गव्यांचा एक कळप संचार करीत होता, अशी माहिती उपलब्ध झाली आहे.

भर लोकवस्तीजवळ गव्यांचा पुन्हा संचार वाढल्याने लोकांमध्ये घबराट पसरली आहे. सोमवारी लहान मिळून नऊ गवे लाखेरे भागात फिरताना निदर्शनास आले, अशी माहिती आनंद नार्वेकर यांनी दिली.

दरम्यान, रात्रीच्यावेळी हे गवे लोकवस्तीजवळ फिरत असून, बागायतींनी घुसून बागायती पिकांची नासधूस करीत आहेत, अशी माहिती काही स्थानिकांकडून मिळालीआहे.