पेडणे: भोम-देवसू येथे शुक्रवारी सायंकाळी सुमारे ६.३० वाजण्याच्या सुमारास गव्याने दुचाकीला धडक दिल्याने जुलिया कट्टमणी (३०) या महिला गंभीर जखमी झाल्या. त्यांच्या डोक्याला दुखापत झाली असून स्थानिकांनी त्यांना तातडीने खासगी वाहनातून उपचारासाठी रुग्णालयात हलवले.

मिळालेल्या माहितीनुसार, जुलिया कट्टमणी या पेडण्याहून माईण, कोरगाव येथील आपल्या घरी दुचाकीवरून जात होत्या. यावेळी अचानक रस्त्यावर आलेल्या गव्याने त्यांच्या दुचाकीला धडक दिली.

त्यामुळे त्या दुचाकीसह रस्त्यावर फेकल्या गेल्या. या अपघातात त्यांच्या डोक्याला गंभीर दुखापत झाली असून दुचाकीचेही मोठ्या प्रमाणात नुकसान झाले आहे. घटनेनंतर स्थानिकांनी धाव घेऊन जखमी महिलेला मदत केली.