CM Pramod Sawant Dainik Gomantak
गोवा

Birsa Munda Jayanti 2026: आज बलिदानाची नव्हे, तर परस्पर सहकार्याची गरज; बिरसा मुंडा जयंतीनिमित्त मुख्यमंत्री सावंतांचे आवाहन

CM Pramod Sawant Statement On Birsa Munda Jayanti 2026: भगवान बिरसा मुंडा यांनी ब्रिटिश सत्तेविरुद्ध लढा देत क्रांती घडवून आणली आणि देशासाठी आपले प्राण अर्पण केले.

दैनिक गोमन्तक डिजिटल

साखळी: भगवान बिरसा मुंडा यांनी ब्रिटिश सत्तेविरुद्ध लढा देत क्रांती घडवून आणली आणि देशासाठी आपले प्राण अर्पण केले. आजच्या काळात अशा प्रकारे बलिदान देण्याची गरज नाही. समाजातील प्रत्येकाने एकमेकांना सहकार्य करण्याची आवश्यकता आहे, असे आवाहन मुख्यमंत्री डॉ. प्रमोद सावंत यांनी केले.

भगवान बिरसा मुंडा यांच्या १५१व्या जयंतीनिमित्त डिचोली तालुक्यातील सुर्ल गावात आयोजित ‘जनजातीय गौरव दिवस २०२६’ कार्यक्रमात मुख्‍यमंत्री बोलत होते. देशभरात हा दिवस साजरा करण्यात आला. या निमित्ताने पंतप्रधान नरेंद्र मोदी यांनी महाराष्ट्रातील गडचिरोली येथून देशवासीयांना संबोधित केले. गोवा सरकारच्या जनजातीय कल्याण संचालनालय आणि जनजातीय संशोधन संस्थेच्या संयुक्त विद्यमाने पंतप्रधानांच्या भाषणाचे राज्यातील पाच ठिकाणी थेट प्रक्षेपण करण्यात आले.

सुर्ल गावातील बाये येथील श्री सातेरी मंदिरात विशेष कार्यक्रमाचे आयोजन करण्यात आले होते. यावेळी मुख्यमंत्री सावंत यांनी सरकारी योजनांचा लाभ घेतल्यानंतर तो इतर गरजूंपर्यंतही पोहोचविण्यासाठी प्रत्येकाने प्रयत्न करावेत, असे आवाहन केले. एखाद्याला नोकरी मिळाल्यानंतर इतरांनाही रोजगाराच्या संधी उपलब्ध करून देण्यासाठी प्रयत्न व्हायला हवेत. अशा सामूहिक प्रयत्नांतून समाजातील एकोपा वाढेल आणि त्यातून आपली संस्कृती व परंपरा टिकून राहतील, असे ते म्हणाले.

भाजपच्या गोवा (Goa) प्रभारी भारती पवार यांनी आदिवासी समाजाच्या ऐतिहासिक योगदानावर प्रकाश टाकला. देशासाठी आदिवासी क्रांतिकारकांनी केलेला संघर्ष आणि दिलेले बलिदान यांचा गौरवशाली इतिहास आजवर सर्वसामान्य जनतेपर्यंत पुरेशा प्रमाणात पोहोचलेला नाही. हा इतिहास जनतेसमोर आणण्याचे काम विद्यमान सरकार करत आहे, असे त्यांनी सांगितले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Daily Horoscope: धनलाभाचा दिवस! सूर्य गोचर आणि शुभ योगांमुळे 'या' राशींचे उजळणार नशीब; सोमवार ठरणार खास

Viral Video: मंचावरुन माइक फेकला अन् राडा घातला! काँग्रेस आमदाराचा हाय-व्होल्टेज ड्रामा; CM ला दिलं थेट चॅलेंज

Hafiz Saeed And Masood Azhar: हाफिज सईदला लाहोरमधून रावळपिंडीला, तर मसूद अजहरला सिंधमध्ये केलं शिफ्ट; पाकड्यांना 'ऑपरेशन सिंदूर'ची धास्ती

T20 Cricket: गोव्याच्या फलंदाजांचा सूर हरपला; विदर्भाची 7 विकेट्सनी सहज बाजी

Indian Football League: धेंपो क्लबसमोर गोल करण्याचे आव्हान; विजयी घोडदौड कायम राखण्यासाठी चानमारी एफसीशी लढत

SCROLL FOR NEXT