Goa Accidental Death: राज्याला लागलेले अपघातांचे ग्रहण काही केल्या हटण्याचे नाव घेताना दिसत नाही. यामध्ये होणाऱ्या मृत्यूंचे प्रमाणही दिवसेंदिवस वाढत आहे. काल (15 जुलै) रात्री कुडचडेमध्ये झालेल्या एका अपघातात 32 वर्षीय व्यक्तीचा जागीच मृत्यू झाल्याने सर्वत्र हळहळ व्यक्त केली जात आहे.

माहितीनुसार, काल रात्री कुडचडेमध्ये 2 दुचाकींमध्ये जोरदार धडक झाली. ही टक्कर इतकी भीषण होती की त्यापैकी एक दुचाकीस्वार मनोज सुरत (32) याचा घटनास्थळीच मृत्यू झाला आहे.

तर यामध्ये दोघेजण गंभीर जखमी झाले असून, त्यांना उपचारासाठी रुग्णालयात दाखल करण्यात आले आहे.

दरम्यान, काल म्हापशातील पर्रा येथे एका पर्यटकाच्या कारची लहान सायकलस्वार मुलाला धडक बसल्याने अपघात झाला आहे. ही घटना आज सायंकाळी 6.30 वाजण्याच्या सुमारास घडली. या धडकेत सायकलस्वार मुलगा गंभीर जखमी झाला. त्याला अधिक उपचारासाठी रुग्णालयात दाखल करण्यात आले.