डिचोली, मुस्लिमवाडा-डिचोली येथील हजरत अदुलशाह बाबा रेहम्मतुल्हाह आलैय दर्ग्याचा ‘उरूस’ शुक्रवारी (१९) धुमधडाक्यात साजरा करण्यात आला. उरूसनिमित्त मुस्लिम बांधवांतर्फे ढोल-ताशांच्या निनादात सायंकाळी शहरात वाजतगाजत भव्य ‘संदल’ (मिरवणूक) काढण्यात आली.
दर्ग्याकडून सुरू झालेल्या या मिरवणुकीत शेकडो मुस्लिम बांधव सहभागी झाले होते. शहरात फिरून मिरवणूक दर्ग्याजवळ येताच चादर चढविणे आदी पारंपरिक कार्यक्रम पार पाडण्यात आले. संदल झाल्यानंतर उरूस निमित्त नियाज (खाना) कार्यक्रम आयोजित करण्यात आला होता. या कार्यक्रमास मुस्लिम बांधवांसह अन्य धर्मीय लोक मोठ्या संख्येने सहभागी झाले होते.
सकिब अली, परवीन यांचा सामना :
उरूसनिमित्त उद्या शनिवारी (ता.२०) रात्री ९ वाजता दर्ग्याजवळ कव्वालीचा कार्यक्रम होणार आहे. उत्तरप्रदेश येथील कव्वाल सकिब अली सबरी आणि निखत परवीन यांच्यात ‘कव्वाली’ची जुगलबंदी होणार आहे.
सर्वांनी उरूस आणि कव्वाली कार्यक्रमास उपस्थित रहावे. असे आवाहन आयोजकांनी केले आहे. दरम्यान, उरूसनिमित्त दर्ग्याजवळ आकर्षक सजावट करण्यात आली असून, मांडवही उभारण्यात आला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.