गोवा : नवी दिल्ली येथील नवीन संसद भवनासाठी गोव्यातील माती पाठवणार असून यासाठी विविध भागातून गोळा केलेल्या मातीचा भूमिपूजन सोहळा आज 29 जुलै रोजी सायंकाळी 4.00 वाजता इन्स्टिट्यूट मिनेझिस ब्रागांझा, सभागृहात आयोजित करण्यात आला होता.

यावेळी मुख्यमंत्री प्रमोद सावंत, कला व संस्कृतीमंत्री गोविंद गावडे, प्रदेशाध्यक्ष सदानंद शेट तानावडे, निळकंठ हळर्णकर, आमदार जेनिफर मोन्सेरात, जीत आरोलकर, संचालक सगुण वेळीप व मान्यवर उपस्थित होते.

दरम्यान, यासाठी नागरिकांनी आपल्या गावातील महत्वाच्या ठिकाणाची माती घेऊन मोठ्या संख्येने या समारंभास उपस्थित राहण्याचे आवाहन करण्यात आले होते. कारण जमवलेली माती देशातील कारभार ज्या इमारतीतून चालवला जाणार आहे.

त्या संसद भवनासाठी ही माती जमा केली जाणार आहे. या मातीचे पूजन होईल, त्यानंतर ती नवीन संसद भवनासाठी नवी दिल्लीला पाठवण्यात येणार आहे, अशी माहिती वेळीप यांनी दिली.