Goa Corona Update: राज्यात कोरोना रूग्णांच्या संख्येत दररोज वाढ होत चालली आहे. गेल्या 24 तासात राज्यात कोरोनाचे नवीन 23 रूग्ण आढळून आले आहेत.

या 23 नव्या रूग्णांमुळे राज्यातील सक्रिय कोरोनाग्रस्तांची रूग्णसंख्या 125 वर गेली आहे. नव्य 23 जणांना होम आयसोलेशनमध्ये ठेवले आहे. दरम्यान, गेल्या चोवीस तासात 8 रूग्ण कोरोनामुक्त झाले आहेत.

गोव्यात गेल्या 24 तासात 473 नव्या चाचण्या झाल्या. तर कोरोनामुळे एकाही मृत्यूची नोंद झालेली नाही. गोव्याचा कोरोनामुक्ती दर 98.40 टक्के इतका आहे.

गोव्यात आत्तापर्यंत 21 लाख 55 हजार 765 एकुण चाचण्या झाल्या आहेत. एकुण 2 लाख 59 हजार 321 रूग्ण आढळून आले होते, त्यातील 2 लाख 55 हजार 183 जण कोरोनामुक्त झाले आहेत. तर आत्तापर्यंत 4013 कोरोनारूग्णांचा मृत्यू झाला आहे.