मडगाव: दक्षिण गोव्यातील बेताळभाटी किनाऱ्यावर एका दुर्दैवी दुर्घटनेत भरथ एस. के. (वय- ३७ वर्ष) बंगळुरू येथील पर्यटकाचा समुद्रात बुडून मृत्यू झाला आहे. ही घटना सोमवारी (३ मार्च) घडली असून, स्थानिक पोलिसांनी याप्रकरणी अनैसर्गिक मृत्यूची नोंद केलीय.

संबंधित पर्यटक गोव्यात फिरायला आला होता. सोमवारी दुपारी बेताळभाटी बीचवर पोहण्यासाठी उतरला असता बुडून त्याचा मृत्यू झाला.

घटनेची माहिती मिळताच पोलिसांनी घटनास्थळी धाव घेतली आणि पंचनामा करून मृतदेह ताब्यात घेतला. प्राथमिक तपासानंतर याला अनैसर्गिक मृत्यू म्हणून नोंद करण्यात आली आहे.

गोवा हे भारतातील एक प्रसिद्ध समुद्रकिनारी असणारं पर्यटन स्थळ आहे, जेथे दरवर्षी हजारो पर्यटक भेट देतात. मात्र, समुद्रकिनाऱ्यांवर सुरक्षितता हा मोठा मुद्दा आहे.

गोवा पोलीस आणि पर्यटन विभाग वारंवार सूचना देत असले तरी अनेक पर्यटक त्या पाळत नाहीत, ज्यामुळे अशा दुर्घटना घडतात.