Banastarim Bridge Accident: बाणस्तारी अपघात प्रकरणाने संपूर्ण राज्याला हादरवून सोडले. यानंतर या घटनेतील आरोपींना कठोर शिक्षा व्हावी अशी मागणी जोर धरू लागली. यामध्ये संशयित परेश सिनाय सावर्डेकर काही दिवसांपासून पोलिस कस्टडीत होता. आता त्याची कस्टडी अजून एक दिवसाने वाढवण्यात आली आहे.

अटक केलेल्या परेश सिनाय सावर्डेकरच्या पोलिस कस्टडीत एका दिवसाची वाढ. उत्तर गोवा जिल्हा सत्र न्यायालयाने परेशला एका दिवसाच्या रिमांडवर पोलिस कस्टडीत पाठविले आहे.पाच दिवसांचा रिमांड संपल्याने फोंडा न्यायालयात म्हार्दोळ पोलिसांनी त्याला दाखल केले होते.

परेश आणि मेघना या दोघांचीही पुढील सुनावणी 16 ऑगस्टला होणार आहे.

दरम्यान, या प्रकरणात चालक परेश सावर्डेकर याला अटक केली असली तरी त्याची पत्नी मेघना सावर्डेकर हिने पोलिस चौकशीला सामोरे जावे लागू नये, यासाठी अटकपूर्व जामीन तसेच उपचारासाठी खासगी इस्पितळात दाखल होऊन पोलिसांचा ससेमिरा चुकविण्याचा आटोकाट प्रयत्न सुरू केला असल्याचे बोलले जात आहे.