मोरजी: मालपे-पेडणे (Malpe-Pernem) येथे अपघात होऊन पोरस्कडे येथील बाळकृष्ण प्रवीण प्रभू (Balkrishna Prabhu) वय 27 वर्षे या युवकाचे अपघातात जागीच निधन झाले. शनिवारी सायंकाळी मालपे येथील पेट्रोल पंपवर आपल्या दुचाकित पेट्रोल भरण्यासाठी बाळकृष्ण आपल्या दुचाकिवरुन जात असताना रस्त्यावर वाटेत म्हैस आठवी आल्याने त्या म्हशीवर मोटरसायकलची धडक बसल्याने झालेल्या अपघातात बाळकृष्ण हा गंभीर झाल्याने त्याचे जागीच निधन झाले.पेडणे पोलिसांनी अपघाताचा पंचनामा करुन मृतदेह शवचिकित्सा करण्यासाठी गोवा वैद्यकिय महाविद्यालय इस्पितळात पाठविण्यात आला.

बाळकृष्ण हा युवक पेडणे बाजारपेठेत असलेल्या संदेश प्रिंटर्रकडे कामाला होता.मनमिळावू स्वभावाचा बाळकृष्ण याचा नेहमीच हसरा चेहरा होता. त्यामुळे अनेकांचा तो चाहता होता. संध्याकाळी त्यांच्या मृत्यूची बातमी समजताच अनेकांनी हळहळ व्यक्त केली.समाजमाध्यमातून त्याला श्रद्धांजली वाहिली. त्यांच्या पश्चात्य आई , वडिल , एक भाऊ व एक बहिण असा परिवार आहे. रविवारी त्यांच्यावर सकाळी 11 वाजता स्थानिक स्मशानभुमीत अंत्यसंस्कार करण्यात येतील.