पेडणे: पेडणे तालुक्यात भविष्यात जलसंकट उद्‌भवू शकते. याची चाहूल लागल्यामुळे आणि बैलपार नदीचे पाणी इतरत्र वळवण्याचा प्रयत्न होत असल्याने उद्या रविवार दि. 1 मे रोजी ‘चलो बैलपार जलआंदोलना’ची हाक मोपा विमानतळ पंचक्रोशी पीडित जनसंघटनेने दिली आहे.

रविवारी सकाळी 11 वाजल्यापासून जलआंदोलन सुरू केले जाईल. अनेक आंदोलनकर्ते नदीत बसून आंदोलन करणार आहेत. या आंदोलनास पर्यावरणप्रेमींनी उपस्थित राहावे, असे आवाहन मोपा विमानतळ पंचक्रोशी पीडित जनसंघटनेचे अध्यक्ष भारत बागकर, सरचिटणीस बया वरक यांनी पत्रकार परिषदेत केले.

बैलपार ही सरकारविरोधी लढाई नसून पेडणे तालुक्यातील शेतकऱ्यांच्या आणि सर्वसामान्य जनतेच्या अस्तित्वाची लढाई आहे. त्यामुळे

पेडणे येथील जनतेच्या जीवन मरणाची लढाई आहे, असे समजून लोकांनी आणि पर्यावरणप्रेमींनी मोठ्या संख्येने उपस्थित राहून जलआंदोलन

यशस्वी करावे, असे आवाहन मोपा विमानतळ पंचक्रोशी पीडित जनसंघटनेच्या पदाधिकाऱ्यांनी केले आहे.