कथित बलात्कारप्रकरणी महसूलमंत्री बाबूश मोन्सेरात यांना खास न्यायालयाकडून तात्पुरता दिलासा मिळाला आहे. या प्रकरणाच्या सुनावणीस कायमचे गैरहजर राहण्यासाठी त्यांनी केलेला अर्ज खास न्यायाधीश इर्शाद आगा यांनी शुक्रवारी सशर्त मंजूर केला.

बाबूश मोन्सेरात याना या सुनावणीस गैरहजर राहण्याची परवानगी देताना न्यायालयाला गरज वाटल्यास त्यांना प्रत्यक्ष किंवा व्हिडीओ कॉन्फरन्सिंग द्वारे सुनावणीस हजर व्हावे लागेल अशी अट घालण्यात आली आहे.

गुदिन्होंनाही दिलासा

4.50 कोटींच्या वीज बिल सवलत घोटाळाप्रकरणी पंचायतमंत्री माविन गुदिन्हो यांनाही त्यांच्या विरोधात सुरू असलेल्या सुनावणीस गैरहजर राहण्याची परवानगी न्या. आगा यांनी दिली. मात्र, गरज भासल्यास त्यांना न्यायालयात हजर राहावे लागेल असे या आदेशात म्हटले आहे.

गुदीन्हो हे काँगेस मंत्रीमंडळात वीज मंत्री असताना त्यांनी काही कारखान्यांना बेकायदेशीररित्या वीज बिलात सवलत देऊन ४.५० कोटींचा घोळ केल्याचा आरोप त्यांच्यावर ठेवण्यात आला आहे.