मडगाव: माजी मुख्यमंत्री दिगंबर कामत हे मागील सत्तावीस वर्ष मडगाववर राज्य करत मडगावकरांना मूर्ख बनवत आहेत; असा सनसनाटी आरोप भाजप (BJP) नेते बाबू अजगावकर यांनी काल केला. राज्यात काल विधानसभा निवडणुकीचे मतदान पार पडले, त्यानंतर लगेच माजी आमदार मुख्यमंत्री कामत आणि बाबू अजगावकर (Babu Ajgaonkar) यांच्यात वादाची ठिणगी पेटली.

आजगावकर म्हणाले, मडगावकरांना खोटी आश्वासने देत, सतत जनतेचा विश्वासघातच केला आहे. मडगाव मधील सर्वत्र चर्चेत असणाऱ्या कब्रस्तान प्रकरणात मुस्लिम बांधवांना कामत यांनी मूर्ख बनवले, येथील बेकायदेशीर घरे मी कायदेशीर करेन, अशी पोकळ आश्वासने आज पर्यंत कामत यांनी दिली. आणि याच पोकळ आश्वासनांवर आजपर्यंत कामत निवडणूक जिंकत आलेत. असाही आरोप आजगावकरयांनी केला.