Business Rivalry: व्यावसायिक वादातून झालेल्या गुन्ह्याबद्दलच्या खूप घटना आपण आजवर पहिल्या आहेत. यामध्ये जिवाभावाचे मित्र असोत किंवा सख्खे भाऊ असोत, नात्यात व्यवसाय आला की बऱ्याचदा तिथे शतृत्व निर्माण होतं. अशीच एक घटना घडली आहे गोव्यातील कळंगुट (Calangute) मध्ये. व्यावसायिक वादातून (Business Rivalry) जीवघेणा हल्ला झाल्याची बातमी समोर आली आहे.

कळंगुट समुद्रकिनारी असलेल्या सौझा लोबो हॉटेलच्या ‘हँगओव्हर’ कॅफेवर हल्ला केल्याची घटना घडली. दोन व्यावसायिकांमधील (Businessman) पूर्ववैमनस्यातून झालेल्या वादातून ही घटना घडली. वादाचे रूपांतर मोठ्या हाणामारीत झाले होते. मंगळवारी रात्री दहाच्या सुमारास दोन गटांतील या हाणामारीत तिघेजण गंभीर जखमी झाले असून त्यांना बांबोळी येथील गोवा वैद्यकीय महाविद्यालयाच्या (GMC) इस्पितळात उपचारासाठी दाखल करण्यात आले आहे. या घटनेचा पुढील तपास सध्या सुरू आहे.