पिसुर्ले: पर्ये मतदारसंघातील भिरोंडा पंचायत क्षेत्रात येणाऱ्या अन्सुले वाड्यावर असलेल्या रेडेघाटी ते नाणूस व्हाया अन्सुलेपर्यंतच्या रस्त्याच्या हॉटमिक्स डांबरीकरणाचे काम सुरू झाले असून, या कामाचा शुभारंभ आमदार डॉ. दिव्या राणे यांच्या हस्ते करण्यात आला.
बऱ्याच दिवसांपासून प्रलंबित असलेल्या या रस्त्याच्या कामाला चालना मिळाली असून, आरोग्यमंत्री विश्वजित राणे, सार्वजनिक बांधकाममंत्री नीलेश काब्राल यांच्या सहकार्याने हे काम पूर्ण होत आहे. त्याचप्रमाणे इतर पंचायत क्षेत्रांतील प्रलंबित असलेली रस्त्यांची कामेही लवकरच मार्गी लागतील, असे आश्वासन राणे यांनी दिले.
सुमारे दोन किलोमीटर रस्त्याचे हॉटमिक्स डांबरीकरण करण्याच्या कामाचा शुभारंभ करण्यात आला. त्यासाठी सुमारे 90 लाख रुपये खर्च येणार असल्याचे सार्वजनिक बांधकाम खात्याच्या रस्ता विभागाचे तांत्रिक विभाग अधिकारी सावईकर यांनी सांगितले.
यावेळी नगरगाव जिल्हा पंचायत सदस्य राजश्री काळे, भिरोंडा पंचायतीचे सरपंच आद्राद तेरेझा, स्थानिक पंच समीर बागी, माजी सरपंच तथा विद्यमान पंच उदयसिंह राणे, सदा गावकर, अन्सुले वाड्यावरील ज्येष्ठ नागरिक तथा गोवा धनगर समाज सेवा संघाचे माजी अध्यक्ष बाबू हुमाणे, सार्वजनिक बांधकाम खात्याचे अधिकारी आदी उपस्थित होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.