सासष्टी: झुआरीनगर येथील एमईएस कॉलेजजवळ राहणारा 54 वर्षीय गायक अन्वर खान याच्या खुनाच्या आरोपावरून अटक झालेला 54 वर्षीय अस्लम खान यास वास्को येथील प्रथम वर्ग न्यायदंडाधिकारी यांनी दोन दिवसांची पोलिस कोठडीचा आदेश दिला.

या प्रकरणाचा तपास वेर्णा येथील पोलिस (Police) निरीक्षक प्रशल नाईक देसाई तपास करीत आहेत. अस्लम खान याच्याविरुद्ध भारतीय दंड संहिता ३०२ कलमानुसार तक्रार नोंद करण्यात आली आहे. मयत अन्वर खानला मारण्यासाठी जे शस्त्र वापरले ते जप्त केल्याचे पोलिसांनी सांगितले. एका मालमत्ता संदर्भातील पैशाच्या (Money) उधारीवरून दोघांमध्ये वाद होता असे पोलिसांनी सांगितले. मयत अन्वर खान आपल्या कुटुंबियासमवेत (Family) एका भाड्याच्या खोलीत रहात होता.