Goa Quelossim Panchayat Issues Notice to Ashish Nehra for Illegal Roadwork

फातोर्डा: क्रिकेटपटू आशिष नेहरा घराजवळ रस्त्याचे कामकाज सुरू आहे. हे काम केळशी पंचायत क्षेत्रात येत असून पंचायतीची परवानगी न घेता रस्ता करीत असल्याबद्दल पंचायतीने ‘कारणे दाखवा’ नोटीस बजावलेली आहे.

नेहरा यांनी रस्ता तयार करण्यासाठी पंचायतीची परवानगी न घेता मोठ्या प्रमाणात झाडांची कत्तल केली. त्यामुळे या प्रकरणी स्थानिकांनी पंचायतीकडे तक्रारी दाखल केल्या होत्या. हा विषय गंभीरतेने घेऊन सरपंच डिक्सन वाझ यांनी त्यांना ‘कारणे दाखवा’ नोटीस बजावली आहे. हा रस्ता तयार करतेवेळी वाळूच्या टेकड्या नष्ट करण्यात आल्या आहेत. त्यामुळे समुद्राचे पाणी आत शिरत आहे. तसेच स्थानिकांच्या घरांना व त्यांच्या जीवितास धोका निर्माण झाला आहे.

गोवा

या प्रकरणी बोलताना सरपंच वाझ म्हणाले, ती त्याची खाजगी मालमत्ता असली, तरी येथील झाडांची कत्तल करताना त्यांनी पंचायतीची परवानगी घेणे गरजेचे होते. त्यामुळे येथील पर्यावरणाला धोका उत्पन्न निर्माण झाला आहे.

मालकाने ३०० झाडांची लागवड करु असे सांगितले होते. मात्र येेथे एकही रोपटे लावलेले दिसत नाही, असे शेल्डन नामक स्थानिकाने सांगितले.