Siddhesh Desai Chitraratha Goa

पणजी: नवी दिल्लीतील कर्तव्यपथवर होणाऱ्या २६ जानेवारी रोजी प्रजासत्ताक दिनाच्या संचलनात सहभागी होणारे अरुणाचल प्रदेश आणि हिमाचल प्रदेश या दोन राज्यांचे चित्ररथ साकारण्याची संधी यंदा गोव्याचे सुपुत्र सिद्धेश देसाई यांना लाभली आहे. देशपातळीवरील प्रतिष्ठीत संचलनात दोन-दोन राज्यांचे चित्ररथ साकारण्याची संधी मिळालेले देसाई हे एकमेव गोमंतकीय आहेत. सिद्धेश देसाई यांच्या विनायक डेकोरेटर्स आस्थापनच्या माध्यमातून हे चित्ररथ साकारण्यात येणार आहेत.

प्रजासत्ताक दिनाच्या संचलनात देशभरातून आणि परदेशातून लाखो लोक सहभागी होत असतात. या संचलनात विविध राज्यातील संस्कृती दर्शवणारे चित्ररथ हे प्रमुख आकर्षण असते. यंदाचे अरुणाचल प्रदेश आणि हिमाचल प्रदेश या दोन राज्यांचे चित्ररथ हे विनायक डेकोरेटर्सच्या सिद्धेश देसाई यांच्या कल्पकतेतून साकारले जाणार आहेत.

देसाई गोव्यात गेली अनेक वर्षे इफ्फीची सर्व सजावट यशस्वीरित्या साकारत आहेत. त्याखेरीज शिगमोत्सव व कार्नीवालची सजावटीचे कामही तेच पाहत आसतात. गोव्यासाठीही त्यांनी याआधी दोन वेळा नवी दिल्लीतील प्रजासत्ताक दिनाच्या संचलनातील सहभागी चित्ररथ तयार करण्याची कामगिरी केली आहे.