Babush Monserrat Rape Case: महसूल मंत्री बाबूश मोन्‍सेरात यांचा कथित सहभाग असल्‍याचा आरोप असलेल्‍या बलात्‍कार प्रकरणातील पीडितेची फेर साक्ष घेण्‍यासाठी जो अर्ज करण्‍यात आला आहे त्‍यावर आता ८ सप्‍टेंबर रोजी युक्‍तीवाद केला जाणार आहे.

या पीडितेची साक्ष २८ ऑगस्‍ट रोजी पूर्ण झाली होती. मात्र न्‍यायालयासमोर नवीन गोष्‍टी आणण्‍यासाठी तिची फेर साक्ष घेण्‍याची गरज आहे, असा अर्ज सरकारी वकील व्‍ही. जी. कॉस्‍ता यांनी केला असून या अर्जावर आता ८ सप्‍टेंबर रोजी युक्‍तीवाद केला जाणार आहे.

याच दिवशी मोन्‍सेरात यांचा सहभाग असलेल्‍या पणजी पोलिस स्‍थानक हल्‍ला प्रकरणाची सुनावणीही होणार आहे.

राजकारण्‍यांविरोधातील खटले हाताळणारे खास न्‍यायाधीश इर्शाद आगा यांच्‍या न्‍यायालयात ही सुनावणी सुरू आहे.

२०१६ मध्‍ये मोन्‍सेरात यांनी त्‍यावेळी अल्‍पवयीन असलेल्‍या एका मुलीला तिच्‍या आईकडून ५० लाख रुपयांना विकत घेऊन नंतर तिला गुंगीचे औषध पाजून बलात्‍कार केल्‍याचा आरोप आहे.